Maria Riba Jusèp. Bioecologia des Scolytinae (Coleoptera) que nidifiquen enes auets dera Val d’Aran 1994

Vielha, Spain: Institut d'Estudis Aranesi, 2020. — 72 p.Des dera Societat Filiau d’Istòria, Patrimòni e Identitat der Institut d’Estudis Aranesi – Acadèmia aranesa dera lengua occitana, en tot auer coneishement der estudi hèt per Jusèp Maria Riba e Flinch sus es bòsqui aranesi e en èster conscients qu’eth nòste entorn naturau ei ua part essenciau deth nòste auviatge e coma ditz era istoriadora Isaura Gratacòs: eth medi naturau e era geomorfologia mos dispòsen a èster d’ua manèra determinada e a qu’era nòsta istòria sigue d’ua forma o de ua auta, mos metérem en contacte damb er autor a trauès der amic comun e membre d’aguesta Societat, Carlos Fañanás, e atau mos podérem conéisher e parlar dera opcion de publicar ua part dera sua tèsi doctorau. Carlos ei era persona que prològue era publicacion damb ua seria de reflexions sus era sanitat forestau en Aran e amassa damb Álvaro Aunòs, engenhaires de montes e membres, toti dus d’aguesta Societat Filiau, son es persones dera madeisha damb mès coneishement sus eth patrimòni naturau deth nòste país, entà poder-mos parlar d’espècies pròpries e endemiques e dera forma mès avienta d’explotacion des nòsti bòsqui e deth tractament damb eth maxim respècte des madeishi.Jusèp Maria Riba e Flinch ei neishut en Barcelona en 1964 e ei doctor biologistaentomològ - especialista en Fitopatologia, Arboricultura e Jardineria damb ua formacion academica molt solida e cimentada.