Grígolo Eduardo. Nanetto in Strada

Rio Grande do Sul, Brazil: Est Edições, 2003. — 148 p.Nanetto el ze sempre Nanetto. Dir che'l ze in strada ze dir tuto de lu e de tuti i migranti vegnesti via dea Europa dal 1850 in vanti. Quando se dise che i ze in strada vol dir tante cose al medesimo tempo. Vol dir na stòria che se spartisse in due. Na parte dea fameia che resta in Itàlia e na parte dea fameia che va via pal mondo inserca dea cucagana. Na Itàlia che resta tea penisola e na Itàlia che scomìnsia farse te le vie del mondo.Na nova Itàlia, al modo de dir, parché la nova Itàlia nel Mondo la se forma sora le vece soche dea fameia, del laoro, dea fede e dea speransa de rivar al posto dove Dio el scolta anca el Talian póvero, e el capisse tuti i Nanetti, con le so maniere de parlar diverse de ogni fameia, sia póvera, mancomale o rica.