Toýlyýew G. we başg. Fizika 7 synp

Umumy orta bilim berýän mekdepleriň VII synpy üçin okuw kitaby. – Aşgabat: Türkmen döwlet neşirýat gullugy, 2016.Gadyrly çagalar! Siz 6-njy synpda «Fizika» dersini öwrenip başladyňyz. Fizikanyň tebigat baradaky ylymdygyna göz ýetirdiňiz. Maddalaryň gurluşy, dürli hallary hem-de olary düzýän bölejikler barada başlangyç maglumatlar aldyňyz. Jisimleriň mehaniki hereketini, özara täsirini, tizligini, massasyny beýan edýän kanunlar bilen tanyş bolduňyz. Gaty jisimleriň, suwuklyklaryň we gazlaryň basyşynyň nähili kanunlara boýun egýändigini we ol kanunlara esaslanyp ýasalan tehniki desgalaryň nirelerde ulanylýandygyny öwrendiňiz.
Siz 7-nji synpda fizika dersi boýunça 6-njy synpda alan bilimleriňizi çuňlaşdyrarsyňyz. Iş, kuwwat, energiýa düşünjeleri we energiýanyň bir görnüşden başga bir görnüşe geçmegi ýaly hadysalar bilen ta nyş bolarsyňyz. Jisimleriň deňagramlylyk ýagdaýlary, mehaniki yrgyldylar we tolkunlar hem-de olary hä siýetlendirýän fiziki ululyklar barada düşünjeler alarsyňyz. Kitabyň ýylylyk hadysalary bölüminde jisimleriň içki energiýasy, içki energiýany üýtgetmegiň usullary, ýylylyk geçirijilik, konweksiýa, şöhlelenme we ýylylyk hadysalaryna degişli başga-da birnäçe düşünjeleri öwrenersiňiz.